Telangana Live Telangana Live News and Views 24X7
నిజామాబాద్‌, సెప్టెంబర్‌ 2
నిజామాబాద్‌ న్యూస్‌ డాట్‌ ఇన్‌ : గురువారం నిజామాబాద్‌ పోలిస్‌ కమిషనర్‌ కార్తికేయ ఆదేశాల మేరకు నిజామాబాద్‌ పోలీస్‌ కళా బృందం వారి ఆధ్వర్యంలో నిజామాబాద్‌ రూరల్‌ పోలీస్‌ స్టేషన్‌ పరిధిలోని గుండారం గ్రామంలో ప్రజలకు అవగాహన కల్పించారు.
ట్రాఫిక్‌ నియమాలు పాటించాలని, హెల్మెట్‌ తప్పనిసరిగా ధరించాలని, సీట్‌ బెల్ట్‌ పెట్టుకోవాలని సూచించారు.సెల్‌ ఫోన్‌ మాట్లాడుతూ వాహనాలు నడపరాదని, ఒక్క సీసీ కెమెరా 100 మంది పోలీసులతో సమానమని, సీసీ కెమెరాల వల్ల నేరాలు అరికట్టవచ్చన్నారు.
సీసీ కెమెరాలు 24 గంటలు పనిచేస్తాయని, అత్యవసరసమయంలో డయల్‌ 100 ఉపయోగించాలన్నారు. 18 సంవత్సరాలు నిండిన ప్రతి ఒక్కరూ కరోనా వాక్సిన్‌ తీసుకొవాలని, ప్రతి ఒక్కరూ కచ్చితంగా మాస్కులు ధరించాలన్నారు.
కార్యక్రమంలో నిజామాబాద్‌ రూరల్‌ పోలీస్‌ స్టేషన్‌ ఎస్‌హెచ్‌వో లింబాద్రి (ఎస్ఐపి), పోలీస్‌ కళాబృందం సిబ్బంది తదితరులు పాల్గొన్నారు.
