డిగ్రీ, పిజి ప్రవేశానికి దరఖాస్తుల గడువు పెంపు

నిజామాబాద్‌, సెప్టెంబర్‌ 19

నిజామాబాద్‌ న్యూస్‌ డాట్‌ ఇన్‌ : డా. బి. ఆర్‌. అంబేద్కర్‌ ఓపెన్‌ యూనివర్సిటీ 2021-22 విద్యా సంవత్సరానికి డిగ్రీ (బీ.ఏ/బీ.కాం/బీ.ఎస్సీ), పీ.జీ (ఎంఎ, ఎంకాం, ఎంఎస్‌సి, ఎంబిఎ ప్రథమ సంవత్సరంలో ప్రవేశానికి దరఖాస్తులు 200 రూపాయల అపరాధ రుసుముతో ఈనెల 28వ తేదీ వరకు గడువు పెంచినట్లు ఉమ్మడి నిజామాబాద్‌ జిల్లా రీజినల్‌ కో-ఆర్డినేటర్‌ డా.యన్‌.అంబర్‌ సింగ్‌ ఒక ప్రకటనలో తెలిపారు.

ఇందులో డిగ్రీ ప్రవేశానికి ఇంటర్మీడియేట్‌, ఓపెన్‌ ఇంటర్‌, పాలిటెక్నిక్‌ (డిప్లమా), రెండు సంవత్సరాల ఐటిఐ, టెన్‌ ప్లస్‌ టు తత్సమాన అర్హతలు కలిగి ఉండాలన్నారు. అలాగే పీజీ ప్రవేశానికి ఏదైనా డిగ్రీ పాసై ఉండాలని పేర్కొన్నారు.

బి-టెక్‌, బి.ఫార్మసీ, కోర్సులు చదవిన విధ్యార్థులు కూడా ఓపెన్‌ వర్సిటీలో పీజీ కోర్సు ఎం.ఏ. పొలిటికల్‌ సైన్స్‌, పబ్లిక్‌ అడ్మినిస్ట్రేషన్‌, హిస్టరీ సోషియాలజీ, ఇంగ్లీష్‌, సైకాలజీ, జర్నలిజం, కోర్సులలో అడ్మిషన్‌ పొందవచ్చని తెలిపారు.

అడ్మీషన్‌ పొందాలనుకునే వారు ఈనెల 28వ తేదీ లోపు మీ దగ్గరలో ఉన్న మీ- సేవా కేంద్రం లేదా టి. ఎస్‌. ఆన్‌ లైన్‌ లలో రిజిస్ట్రేషన్‌ చేసుకోవాలని, రిజిస్ట్రేషన్‌ చేసుకొని తగిన రుసుము చెల్లించిన తరువాత అప్లికేషన్‌ ప్రింట్‌ అవుట్‌లను రీజినల్‌ కార్యాలయం గిరిరాజ్‌ ప్రభుత్వ కళాశాల నిజామాబాద్‌లో అందజేయాలన్నారు.

మరిన్ని పూర్తి వివరాలకు యూనివర్సిటీ వెబ్‌ సైట్‌ ను లేదా రీజినల్‌ కార్యాలయం గిరిరాజ్‌ ప్రభుత్వ కళాశాల నిజామాబాద్‌ సంప్రదించాలని వివరించారు.