కోయిలకొండలో చిరుత! రెండు కాళ్లకు గాయాలు

మహబూబ్‌నగర్‌, జూన్ 10

నిజామాబాద్ న్యూస్ డాట్ ఇన్ ః మ‌హ‌బూబ్‌న‌గ‌ర్ జిల్లాలోని కోయిలకొండ మండలం బూర్గుపల్లిలో చిరుతపులి ప్రత్యక్షమయ్యింది.

అయితే రెండు కాళ్లకు గాయాలవడంతో కదలేని స్థితిలో ఉండిపోయింది. గమనించిన స్థానికులు అటవీ శాఖ అధికారులకు సమాచారం అందించారు.

కాగా, గ్రామంలోని ఓ పశువుల కొట్టంలోని బర్రెలపై దాడికి ప్రయత్నించిందని, ఈ క్రమంలో అవి తొక్కడంతో గాయపడినట్లు స్థానికులు తెలిపారు.

ఫారెస్ట్‌ అధికారులు గాయపడిన చిరుతను హైదరాబాద్‌ తరలించేందుకు ఏర్పాట్లు చేస్తున్నారు.