మానవత్వం చాటిన మాక్లూర్ ఎస్ ఐ రాజారెడ్డి

నందిపేట్‌, జూన్ 14

నిజామాబాద్ న్యూస్ డాట్ ఇన్ ః రోడ్డు ప్రమాదంలో తీవ్రంగా గాయపడి రక్తంతో ఉన్న వ్యక్తిని పోలీస్ వాహనంలో ఆసుపత్రికి తరలించి చికిత్స అందించడం ద్వారా మానవత్వం చాటుకున్నాడు మాక్లూర్ ఎస్సై రాజారెడ్డి.

నిజామాబాద్ జిల్లా పోలీస్ శాఖలో మాక్లూర్ ఎస్ ఐ.గా బాధ్యతలు నిర్వహిస్తున్న విధి నిర్వహణలో భాగంగా సోమవారం మధ్యాహ్నం భోజనం చేసి తిరిగి పోలీస్ స్టేషన్ కు వెళ్తున్న క్రమంలో మానిక్ భండార్ వ‌ద్ద రోడ్డు ప్రమాదంలో తీవ్రంగా గాయపడిన ఓ యువకుడిని, భార్యాభర్తలను గమనించి వెంటనే వాహనం అపి రక్తంతో తడిసిపోయిన వారిని గుర్తించి ఆసుపత్రికి తరలించేందుకు అంబులెన్స్ కు సమాచారం ఇచ్చారు.

చాలాసేపటి వరకు అంబులెన్స్ రాకపోవడంతో పోలీస్ వాహనంలో వారిని ఎక్కించుకొని నిజామాబాద్ ప్రభుత్వ ఆసుపత్రికి తరలించి చికిత్స అందించి మానవత్వం చాటుకున్నారు.

రోడ్డు పక్కన గాయాలతో ఉన్న వారిని గుర్తించి పోలీస్ వాహనంలో ఆసుపత్రికి తరలించడం పట్ల స్థానికులు పోలీస్ శాఖను, రాజారెడ్డి మానవత్వాన్ని చూసి శభాష్ తెలంగాణ పోలీస్ అని అభినందించారు.