జూలై 3 వరకు డిగ్రీ ఫీజు గడువు పొడగింపు

డిచ్‌పల్లి, జూన్‌ 20

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో గల డిగ్రీ బి.ఎ., బి.కాం., బి.ఎస్సీ., బి.బి.ఎ., బి.ఎ.(ఎల్‌) కోర్సులకు చెందిన నాల్గవ, ఆరవ సెమిస్టర్‌ రెగ్యూలర్‌ / బ్యాక్‌ లాగ్‌ మరియు రెండవ బ్యాక్‌ లాగ్‌ పరీక్షలకు ఈ నెల 21 వ తేదీ వరకు ఉన్న ఫీజు గడువును విద్యార్థుల సౌకర్యార్థం ఎటువంటి ఆలస్య రుసుము లేకుండా వచ్చే నెల జూలై 3వ తేదీ వరకు పెంపు చేసినట్లు పరీక్షల నియంత్రణాధికారి డా. పాత నాగరాజు ఒక ప్రకటనలో తెలిపారు.

100 రూపాయల ఆలస్య రుసుముతో జూలై 7 వరకు, 500 రూపాయల ఆలస్య రుసుముతో జూలై 9 వరకు, 1000 రూపాయల ఆలస్య రుసుముతో జూలై 12 వరకు ఫీజును చెల్లించవచ్చన్నారు. కావున డిగ్రీ కళాశాల ప్రధానాచార్యులు, విద్యార్థులు గమనించగలరని పేర్కొన్నారు.

పూర్తి వివరాలకు యూనివర్సిటీ వెబ్‌ సైట్‌ను సంప్రదించాలని తెలిపారు.