టీఎస్‌ ఐసెట్‌ గడువు పొడిగింపు

హైదరాబాద్‌, జూన్‌ 24

నిజామాబాద్‌ న్యూస్‌ డాట్‌ ఇన్‌ : ఎంబీఏ, ఎంసీఏ కోర్సుల్లో 2021-22 విద్యాసంవత్సరం ప్రవేశాల కోసం కాకతీయ విశ్వవిద్యాలయం నిర్వహించే టీఎస్‌ఐసెట్‌-2021 దరఖాస్తు గడువును మరోసారి పొడిగించారు.

ఈ మేరకు ఐసెట్‌ కన్వీనర్‌, కేయూ వాణిజ్యశాస్త్రం ఆచార్యుడు కె.రాజిరెడ్డి బుధవారం ఒక ప్రకటన విడుదల చేశారు. గతంలో ప్రకటించిన ప్రకారం దరఖాస్తుకు తుది గడువు బుధవారం 23వ తేదీ కాగా విద్యార్థుల అభ్యర్థన మేరకు ఎలాంటి ఆలస్య రుసుం లేకుండా ఈనెల 30వ తేదీ వరకు గడువును పొడిగించినట్లు తెలిపారు.