డిగ్రీ, పీ.జీ ప్రవేశాలకు దరఖాస్తుల ఆహ్వానం

నిజామాబాద్‌, జూలై 8

నిజామాబాద్‌ న్యూస్‌ డాట్‌ ఇన్‌ : డా. బి. ఆర్‌. అంబేద్కర్‌ ఓపెన్‌ యూనివర్సిటీ 2021-22 విద్యా సంవత్సరానికి డిగ్రీ (బీ.ఏ/బీ.కాం/బీ.ఎస్సీ), పీ.జీ (ఎంఎ, ఎంకాం, ఎం.ఎస్‌సి, ఎం.బి.ఏ.) ప్రథమ సంవత్సరంలో ప్రవేశానికి దరఖాస్తులు ఆహ్వానిస్తున్నట్లు ఉమ్మడి నిజామాబాద్‌ జిల్లా రీజినల్‌ కో-ఆర్డినేటర్‌ డా.యన్‌.అంబర్‌ సింగ్‌ ఒక ప్రకటనలో తెలిపారు.

చదువుకోవడానికి ఆసక్తి ఉండి రెగ్యులర్‌గా చదువుకోలేక పోతున్న గృహిణులు, ఉద్యోగులు, మధ్యలోనే చదువు ఆపేసిన అన్ని వయసుల అభ్యర్థులకు ఇదొక సదవకాశమని తెలిపారు. డా. బి. ఆర్‌. అంబేద్కర్‌ ఓపెన్‌ యూనివర్సిటీ ద్వారా డిగ్రీ, పీ.జీ పాసైన వారు కూడా అన్ని ప్రభుత్వ, ప్రైవేటు సంస్థలలో రెగ్యులర్‌ విద్యార్థులతో సమానంగా ఉద్యోగ అవకాశాలకు అర్హులని పేర్కొన్నారు.

ఇందులో డిగ్రీ ప్రవేశానికి ఇంటర్మీడియేట్‌, ఓపెన్‌ ఇంటర్‌, పాలిటెక్నిక్‌ (డిప్లమా), రెండు సంవత్సరాల ఐటిఐ, టెన్‌ ప్లస్‌ టు తత్సమాన అర్హతలు కలిగి ఉండాలని, పీజీ ప్రవేశానికి ఏదైనా డిగ్రీ పాసై ఉండాలన్నారు.

అడ్మీషన్‌ పొందాలనుకునే వారు 12 ఆగస్టు 2021 లోపు తమ దగ్గరలో ఉన్న మీ- సేవా కేంద్రం లేదా టి. ఎస్‌. ఆన్‌ లైన్‌ లలో రిజిస్ట్రేషన్‌ చేసుకోవాలని, రిజిస్ట్రేషన్‌ చేసుకొని తగిన రుసుము చెల్లించిన తరువాత అప్లికేషన్‌ ప్రింట్‌ అవుట్‌లను రీజినల్‌ కార్యాలయం గిరిరాజ్‌ ప్రభుత్వ కళాశాల నిజామాబాద్‌లో అందజేయాలన్నారు. మరిన్ని వివరాలకు యూనివర్సిటీ వెబ్‌ సైట్‌ ను లేదా రీజినల్‌ కార్యాలయం గిరిరాజ్‌ ప్రభుత్వ కళాశాల నిజామాబాద్‌లో సంప్రదించాలని సూచించారు.