డిగ్రీ పరీక్షల్లో ఒకరు డిబార్‌

డిచ్‌పల్లి, జూలై 10

నిజామాబాద్‌ న్యూస్‌ డాట్‌ ఇన్‌ : ఉపకులపతి ఆచార్య డి. రవీందర్‌, రిజిస్ట్రార్‌ ఆచార్య నసీం ఆదేశానుసారం తెలంగాణ విశ్వవిద్యాలయంలోని అన్ని అనుబంధ కళాశాలలో గల డిగ్రీ బి.ఎ., బి.కాం., బి.ఎస్సీ., బి.బి.ఎ., బి.ఎ.(ఎల్‌) కోర్సులకు చెందిన మూడవ, ఐదవ సెమిస్టర్‌ రెగ్యూలర్‌ థియరీ పరీక్షలు శనివారం కూడా ప్రశాంతంగా జరిగినట్లు పరీక్షల నియంత్రణాధికారి డా. పాత నాగరాజు తెలిపారు.

ఉదయం 10 – 12 గంటల వరకు డిగ్రీ మూడవ సెమిస్టర్‌ రెగ్యూలర్‌ పరీక్షలకు మొత్తం 6018 మంది విద్యార్థులు నమోదు చేసుకోగా 5421 మంది హాజరు, 591 మంది గైర్హాజరు అయినట్లు ఆయన తెలిపారు.

మధ్యాహ్నం 2 – 4 గంటల వరకు డిగ్రీ ఐదవ సెమిస్టర్‌ రెగ్యూలర్‌ పరీక్షలకు మొత్తం 7279 మంది విద్యార్థులు నమోదు చేసుకోగా 6678 మంది హాజరు, 601 మంది గైర్హాజరు అయినట్లు ఆయన తెలిపారు.

ఉదయం డిగ్రీ మూడవ సెమిస్టర్‌ లో కామారెడ్డిలోని ప్రభుత్వ డిగ్రీ కళాశాల పరీక్షా కేంద్రంలో మాథమెటిక్స్‌ సబ్జెక్ట్‌లో ఒకరు మాల్‌ ప్రాక్టీసుకు పాల్పడుతూ డిబార్‌ అయినట్లు సివోఇ పేర్కొన్నారు.