పరీక్షలు వాయిదా…

డిచ్‌పల్లి, జూలై 22

నిజామాబాద్‌ న్యూస్‌ డాట్‌ ఇన్‌ : తెలంగాణ యూనివర్సిటీ పరిధిలో 22వ తేదీ గురువారం నుండి ప్రారంభం కావాల్సిన డిగ్రీ 1వ సెమిస్టర్‌ రెగ్యులర్‌, 2వ సెమిస్టర్‌ బ్యాక్‌లాగ్‌ పరీక్షలు వర్షం, వాతావరణ పరిస్థితుల కారణంగా వాయిదా వేస్తున్నట్టు పరీక్షల నియంత్రణాధికారి డాక్టర్‌ పాత నాగరాజు పేర్కొన్నారు.

22, 23, 24వ తేదీలలో జరగాల్సిన డిగ్రీ, పిజి, బిఎడ్‌కు సంబంధించిన పరీక్షలు వాయిదా వేస్తున్నట్టు తెలపగా, తిరిగి ఎప్పుడు నిర్వహిస్తామనేది త్వరలో ప్రకటిస్తామన్నారు. ఈ విషయాన్ని కళాశాలల ప్రిన్సిపాల్స్‌, విద్యార్థులు గమనించాలన్నారు.