డిగ్రీ పరీక్షల్లో ఒకరు డిబార్‌

డిచ్‌పల్లి, జూలై 26

నిజామాబాద్‌ న్యూస్‌ డాట్‌ ఇన్‌ : ఉపకులపతి ఆచార్య డి. రవీందర్‌, రిజిస్ట్రార్‌ ఆచార్య నసీం ఆదేశానుసారం తెలంగాణ విశ్వవిద్యాలయంలోని అన్ని అనుబంధ కళాశాలలో సోమవారం డిగ్రీ, పీజీ, బి.ఎడ్‌. పరీక్షలు ప్రశాంతంగా మొదలైనట్లు పరీక్షల నియంత్రణాధికారి డా. పాత నాగరాజు తెలిపారు.

ఉదయం 10 – 12 గంటల వరకు డిగ్రీ మొదటి సెమిస్టర్‌ రెగ్యూలర్‌ థియరీ పరీక్షలకు మొత్తం 14 వేల 158 మంది విద్యార్థులు నమోదు చేసుకోగా 12 వేల 436 మంది హాజరు, 1722 మంది గైర్హాజరు అయినట్లు తెలిపారు. అలాగే పీజీ నాల్గవ, ఎనిమిదవ, పదవ సెమిస్టర్‌ రెగ్యూలర్‌ థియరీ పరీక్షలకు మొత్తం 2018 మంది విద్యార్థులు నమోదు చేసుకోగా 1932 మంది హాజరు, 86 మంది గైర్హాజరు అయినట్లు పేర్కొన్నారు.

బి.ఎడ్‌. రెండవ సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం 82 మంది విద్యార్థులు నమోదు చేసుకోగా 67 మంది హాజరు, 15 మంది గైర్హాజరు అయినట్లు ఆయన తెలిపారు. మధ్యాహ్నం 2 – 4 గంటల వరకు డిగ్రీ రెండవ సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం 1408 మంది విద్యార్థులు నమోదు చేసుకోగా 1263 మంది హాజరు, 145 మంది గైర్హాజరు అయినట్లు, పీజీ ఆరవ సెమిస్టర్‌ రెగ్యూలర్‌ థియరీ పరీక్షలకు మొత్తం 69 మంది విద్యార్థులు నమోదు చేసుకోగా 68 మంది హాజరు, 1 మంది గైర్హాజరు అయినట్లు చెప్పారు.

బి.ఎడ్‌. నాల్గవ సెమిస్టర్‌ రెగ్యూలర్‌ థియరీ పరీక్షలకు మొత్తం 1324 మంది విద్యార్థులు నమోదు చేసుకోగా, 1289 మంది హాజరు, 35 మంది గైర్హాజరు అయినట్లు ఆయన తెలిపారు. ఉదయం జరిగిన డిగ్రీ పరీక్షల్లో నిజామాబాద్‌లోని నిశితా డిగ్రీ కళాశాల పరీక్షా కేంద్రంలో ఇవిఎస్‌ సబ్జెక్ట్‌లో ఒకరు మాల్‌ ప్రాక్టీస్‌కు పాల్పడుతూ డిబార్‌ అయినట్లు సివోయి వివరించారు.