డిగ్రీి పరీక్షల్లో నలుగురు డిబార్‌

డిచ్‌పల్లి, జూలై 27

నిజామాబాద్‌ న్యూస్‌ డాట్‌ ఇన్‌ : ఉపకులపతి ఆచార్య డి. రవీందర్‌, రిజిస్ట్రార్‌ ఆచార్య నసీం ఆదేశానుసారం తెలంగాణ విశ్వవిద్యాలయంలోని అన్ని అనుబంధ కళాశాలలో మంగళవారం కూడా డిగ్రీ, పీజీ, బి.ఎడ్‌. పరీక్షలు ప్రశాంతంగా కొనసాగుతున్నట్లు పరీక్షల నియంత్రణాధికారి డా. పాత నాగరాజు తెలిపారు. ఉదయం 10 – 12 గంటల వరకు డిగ్రీ మొదటి సెమిస్టర్‌ రెగ్యూలర్‌ థియరీ పరీక్షలకు మొత్తం 14 వేల 151 మంది విద్యార్థులు నమోదు చేసుకోగా 12 వేల 470 మంది హాజరు, 1687 మంది గైర్హాజరు అయినట్లు తెలిపారు.

అలాగే పీజీ నాల్గవ, ఎనిమిదవ, పదవ సెమిస్టర్‌ రెగ్యూలర్‌ థియరీ పరీక్షలకు మొత్తం 2019 మంది విద్యార్థులు నమోదు చేసుకోగా 1928 మంది హాజరు, 91 మంది గైర్హాజరు అయినట్లుబీ బి.ఎడ్‌. రెండవ సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం 114 మంది విద్యార్థులు నమోదు చేసుకోగా 102 మంది హాజరు, 12 మంది గైర్హాజరు అయినట్లు ఆయన తెలిపారు. మధ్యాహ్నం 2 – 4 గంటల వరకు డిగ్రీ రెండవ సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం 408 మంది విద్యార్థులు నమోదు చేసుకోగా 345 మంది హాజరు, 63 మంది గైర్హాజరు అయినట్లు పేర్కొన్నారు.

పీజీ ఆరవ సెమిస్టర్‌ రెగ్యూలర్‌ థియరీ పరీక్షలకు మొత్తం 94 మంది విద్యార్థులు నమోదు చేసుకోగా 92 మంది హాజరు, 2 మంది గైర్హాజరు అయినట్లు, బి.ఎడ్‌. నాల్గవ సెమిస్టర్‌ రెగ్యూలర్‌ థియరీ పరీక్షలకు మొత్తం 1324 మంది విద్యార్థులు నమోదు చేసుకోగా 1293 మంది హాజరు, 31 మంది గైర్హాజరు అయినట్లు ఆయన తెలిపారు.

ఉదయం జరిగిన డిగ్రీ పరీక్షల్లో ఎల్లారెడ్డిలోని ప్రభుత్వ డిగ్రీ కళాశాల పరీక్షా కేంద్రంలో ఇంగ్లీష్‌ సబ్జెక్ట్‌లో నలుగురు మాల్‌ ప్రాక్టీస్‌కు పాల్పడుతూ డిబార్‌ అయినట్లు సివోయి తెలిపారు.