Telangana Live Telangana Live News and Views 24X7
నిజామాబాద్‌, జూలై 27
నిజామాబాద్‌ న్యూస్‌ డాట్‌ ఇన్‌ : అఖిల భారతీయ విద్యార్థి పరిషత్‌ (ఎబివిపి) ఆధ్వర్యంలో కార్గిల్‌ విజయ్‌ దివస్‌ సందర్భంగా నగరంలోని స్థానిక శ్రీనగర్‌ కాలనీ ఏబీవీపీ కార్యాలయం నుండి ఎల్లమ్మ గుట్ట చౌరస్తా వరకు కాగడాల ప్రదర్శన నిర్వహించారు.
కార్గిల్‌ స్థూపం వద్ద అమరులైన వీర సైనికులకు ఘనంగా నివాళులు అర్పించారు. ఈ సందర్భంగా రాష్ట్ర అధ్యక్షులు ఆర్‌. నరేష్‌ మాట్లాడుతూ దేశ రక్షణ కోసం తన ప్రాణాలను అర్పించిన భారత సైనికులు, విదేశాల దాడి నుండి దేశ ప్రజలను కాపాడుతున్నారని, నేటి యువత వీర సైనికుల త్యాగాలను స్పూర్తిగా తీసుకుని ముందుకు నడవాలని ఆకాంక్షించారు.
కార్యక్రమంలో న్యాయవాదులు రాజ్‌కుమార్‌ సుబేదార్‌, జగన్‌ మోహన్‌ గౌడ్‌, విభాగ్‌ ఆర్గనైజింగ్‌ సెక్రెటరీ అనిల్‌, కే నవీన్‌ కుమార్‌, వెంకట కృష్ణ, సురేందర్రెడ్డి, స్వామి యాదవ్‌, రోషన్‌ లాల్‌ బోర, మహేష్‌ తదితరులు పాల్గొన్నారు.
