డిగ్రీ పరీక్షల్లో ఇద్దరు డిబార్‌

డిచ్‌పల్లి, ఆగష్టు 10

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో మంగళవారం కూడా డిగ్రీ రెగ్యూలర్‌, బ్యాక్‌ లాగ్‌ పరీక్షలు ప్రశాంతంగా జరిగినట్లు పరీక్షల నియంత్రణాధికారి డా. పాత నాగరాజు తెలిపారు.

ఉదయం 10`12 గంటల వరకు డిగ్రీ ఆరవ సెమిస్టర్‌ రెగ్యూలర్‌, బ్యాక్‌ లాగ్‌ పరీక్షలకు మొత్తం 6 వేల 193 మంది విద్యార్థులు నమోదు చేసుకోగా 5 వేల 905 మంది హాజరు, 288 మంది గైర్హాజరు అయినట్లు ఆయన తెలిపారు.

మధ్యాహ్నం 2 – 4 గంటల వరకు డిగ్రీ నాల్గవ సెమిస్టర్‌ రెగ్యూలర్‌, బ్యాక్‌ లాగ్‌ థియరీ పరీక్షలకు మొత్తం 9 వేల 576 మంది విద్యార్థులు నమోదు చేసుకోగా, 8 వేల 895 మంది హాజరు, 681 మంది గైర్హాజరు అయినట్లు ఆయన తెలిపారు.

ఉదయం జరిగిన డిగ్రీ ఆరవ సెమిస్టర్‌ పరీక్షల్లో నిజామాబాద్‌లోని మహిళా డిగ్రీ కళాశాలలో గల పరీక్షా కేంద్రంలో మెడిసినల్‌ కెమిస్ట్రీ సబ్జెక్ట్‌లో ఇద్దరు మాల్‌ ప్రాక్టీస్‌ కు పాల్పడుతూ డిబార్‌ అయినట్లు ఆయన తెలిపారు.