డిగ్రీ పరీక్షల్లో నలుగురు డిబార్‌

డిచ్‌పల్లి, ఆగష్టు 11

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో బుధవారం కూడా డిగ్రీ రెగ్యూలర్‌, బ్యాక్‌ లాగ్‌ పరీక్షలు ప్రశాంతంగా జరిగినట్లు పరీక్షల నియంత్రణాధికారి డా. పాత నాగరాజు తెలిపారు.

ఉదయం 10:00 నుంచి 12:00 గంటల వరకు డిగ్రీ ఆరవ సెమిస్టర్‌ రెగ్యూలర్‌, బ్యాక్‌ లాగ్‌ పరీక్షలకు మొత్తం 7 వేల 368 మంది విద్యార్థులు నమోదు చేసుకోగా 6 వేల 992 మంది హాజరు, 376 మంది గైర్హాజరు అయినట్లు ఆయన తెలిపారు.

మధ్యాహ్నం 2:00 నుండి 4:00 గంటల వరకు డిగ్రీ నాల్గవ సెమిస్టర్‌ రెగ్యూలర్‌, బ్యాక్‌ లాగ్‌ థియరీ పరీక్షలకు మొత్తం 6 వేల 859 మంది విద్యార్థులు నమోదు చేసుకోగా 6 వేల 268 మంది హాజరు, 591 మంది గైర్హాజరు అయినట్లు ఆయన తెలిపారు.

మధ్యాహ్నం జరిగిన డిగ్రీ ఆరవ సెమిస్టర్‌ పరీక్షల్లో మోర్తాడ్‌లోని ప్రభుత్వ డిగ్రీ కళాశాలలో గల పరీక్షాకేంద్రంలో కెమిస్ట్రీ, పొలిటికల్‌ సైన్స్‌ సబ్జెక్ట్‌ల్లో ఇద్దరు, కామారెడ్డిలోని ఆర్‌కె డిగ్రీ కళాశాలలో గల పరీక్షాకేంద్రంలో స్టాటిస్టిక్స్‌, కెమిస్ట్రీ సబ్జెక్ట్‌ల్లో ఇద్దరు మాల్‌ ప్రాక్టీస్‌కు పాల్పడుతూ డిబార్‌ అయినట్లు ఆయన తెలిపారు.