గొర్రెలు, మేకలకు నట్టల నివారణ మందు

వేల్పూర్‌, ఆగష్టు 10

నిజామాబాద్‌ న్యూస్‌ డాట్‌ ఇన్‌ : పశువైద్య, పశుసంవర్థక శాఖ నిజామాబాద్‌ జిల్లా ఆధ్వర్యంలో గొర్రెలు మేకల ఉచిత నట్టల నివారణ కార్యక్రమంలో భాగంగా వేల్పూర్‌ మండలంలోని అమీనాపూర్‌ గ్రామంలో మండల పశు వైద్యాధికారి సంతోష్‌ గొర్రెలకు మేకలకు ఉచిత నట్టల నివారణ మందులు వేశారు.

ముఖ్య అతిథులుగా గ్రామ సర్పంచ్‌ రాజేశ్వర్‌ హాజరయ్యారు. ఈ సందర్భంగా మండల పశువైద్యాధికారి మాట్లాడుతూ తెలంగాణ రాష్ట్ర ప్రభుత్వం ప్రతిష్టాత్మకంగా చేపట్టిన గొర్రెలు మేకలలో నట్టల నివారణ కోసం ఉచితంగా నట్టల నివారణ మందు వేయడం జరుగుతుందన్నారు.

గ్రామంలో గొర్ల మేకల యజమానులకు అవగాహన కల్పించి, ఉచితంగా మందు అందజేయడం జరిగిందన్నారు. కార్యక్రమంలో ఎంపిటిసి గంగామణి, గ్రామ పాలకవర్గం సభ్యులు పాల్గొన్నారు.