Telangana Live Telangana Live News and Views 24X7
డిచ్‌పల్లి, ఆగష్టు 12
నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో డిగ్రీ ప్రవేశాలలోని దోస్త్‌ – 2021 స్పెషల్‌ కేటగిరి సర్టిఫికేట్స్‌ వేరిఫికేషన్‌ తెలంగాణ విశ్వవిద్యాలయంలోని పరిపాలనా భవనంలో గల ఆడిట్‌ సెల్‌ ఆఫీస్‌లో ఈ నెల 13 వ తేదీన ఉదయం 10:30 నుంచి సాయంత్రం 5:00 వరకు కొనసాగుతాయని దోస్త్‌ కో – ఆర్డినేటర్‌ డా. కె. సంపత్‌ కుమార్‌ ఒక ప్రకటనలో తెలిపారు.
భౌతిక వికలాంగులు, సిఎపి (ఎక్స్‌ సర్వీస్‌ మెన్స్‌ పిల్లలు), ఎన్‌సిసి, ఎక్ష్ట్రా కరికులం (సహ పాఠ్యాంశాల ప్రావీణ్యం) అర్హత గలవారు తమ తమ విద్యార్హత, స్పెషల్‌ కేటగిరికి చెందిన ఒరిజినల్‌ ధ్రువపత్రాలు, రెండు సెట్లు జిరాక్స్‌ (నకలు) పత్రాలు తీసుకొని రావలసిందిగా ఆయన కోరారు.
