వీరుడా వందనం…

వేల్పూర్‌, ఆగష్టు 15

నిజామాబాద్‌ న్యూస్‌ డాట్‌ ఇన్‌ : వేల్పూర్‌ మండలం కోమన్‌ పల్లి గ్రామానికి చెందిన ర్యాడా మహేష్‌ భారతదేశ సరిహద్దుల్లో చైనా ఎదురుకాల్పుల్లో వీరమరణం పొందాడు. మహేష్‌ చిత్ర పటానికి పూలమాలలు వేసి ఘన నివాళి అర్పించారు.

ఈ సందర్భంగా కాంగ్రెస్‌ పార్టీ సీనియర్‌ నాయకురాలు నీరడీ భాగ్య మాట్లాడుతూ భారత సరిహద్దుల్లో చైనాతో పోరాడుతూ ఎదురు కాల్పుల్లో మహేశ్‌ వీరమరణం పొందాడని ఆయన స్ఫూర్తి ఎన్నటికీ మర్చిపోలేనిదన్నారు. స్వాతంత్య్ర దినోత్సవం సందర్భంగా మహేశ్‌ కుటుంబ సభ్యులను శాలువాలతో సన్మానించారు. కార్యక్రమంలో మండల కాంగ్రెస్‌ పార్టీ అధ్యక్షులు నర్సారెడ్డి, దామోదర్‌, కాంగ్రెస్‌ పార్టీ నాయకులు కార్యకర్తలు పాల్గొన్నారు.