Telangana Live Telangana Live News and Views 24X7
మోర్తాడ్‌, ఆగష్టు 15
నిజామాబాద్‌ న్యూస్‌ డాట్‌ ఇన్‌ : మోర్తాడ్‌ మండల కేంద్రంతో పాటు మండలంలోని అన్ని గ్రామాలలో ఆదివారం రోజున 75 వ స్వాతంత్ర దినోత్సవాన్ని పురస్కరించుకొని త్రివర్ణ పతాకాన్ని ఎగురవేశారు. మోర్తాడ్‌ మండల కేంద్రంలోని తహసిల్దార్‌ కార్యాలయంలో తహసిల్దార్‌ శ్రీధర్‌, మండల ప్రజా పరిషత్‌ కార్యాలయంలో మండల ప్రజా పరిషత్‌ అధ్యక్షుడు శివలింగు శ్రీనివాస్‌, స్థానిక గ్రామ సచివాలయంలో సర్పంచ్‌ భోగ ధరణి ఆనంద్‌ జాతీయ జెండా ఎగురవేశారు.
గ్రామంలోని ప్రభుత్వ పాఠశాలలో ప్రధానోపాధ్యాయులు గంగాధర్‌, పశువుల ఆసుపత్రి యందు డాక్టర్‌ రాజశేఖర్‌ రావు, టిఆర్‌ఎస్‌ పార్టీ కార్యాలయం ముందు టిఆర్‌ఎస్‌ మోర్తాడ్‌ మండలం టిఆర్‌ఎస్‌ పార్టీ మోర్తాడ్‌ మండల అధ్యక్షుడు కల్లెడ ఏలియా, త్రివర్ణ పతాకాలు ఆవిష్కరించారు. కార్యక్రమలలో టిఆర్‌ఎస్‌ పార్టీ నాయకులు, గ్రామ ప్రజలు తదితరులు పాల్గొన్నారు.
