డిగ్రీ పరీక్షల్లో ఒకరు డిబార్‌

డిచ్‌పల్లి, ఆగష్టు 17

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో మంగళవారం కూడా డిగ్రీ రెగ్యూలర్‌, బ్యాక్‌ లాగ్‌ పరీక్షలు ప్రశాంతంగా జరిగినట్లు పరీక్షల నియంత్రణాధికారి డా. పాత నాగరాజు తెలిపారు.

ఉదయం 10:00-12:00 గంటల వరకు డిగ్రీ ఆరవ సెమిస్టర్‌ రెగ్యూలర్‌, బ్యాక్‌ లాగ్‌ పరీక్షలకు మొత్తం 3 వేల 564 మంది విద్యార్థులు నమోదు చేసుకోగా 3 వేల 370 మంది హాజరు, 194 మంది గైర్హాజరు అయినట్లు ఆయన తెలిపారు.

ఉదయం జరిగిన డిగ్రీ ఆరవ సెమిస్టర్‌ పరీక్షల్లో కామారెడ్డిలోని తెలంగాణ గిరిజన గురుకుల మహిళా డిగ్రీ కళాశాలలో గల పరీక్షాకేంద్రంలో వెబ్‌ ప్రోగ్రామింగ్‌ సబ్జెక్ట్‌ ల్లో ఒకరు మాల్‌ ప్రాక్టీస్‌కు పాల్పడుతూ డిబార్‌ అయినట్లు ఆయన తెలిపారు.