జాతీయస్థాయి క్రికెట్‌ పోటీలకు కుక్కునూరు విద్యార్థి

వేల్పూర్‌, ఆగష్టు 23

నిజామాబాద్‌ న్యూస్‌ డాట్‌ ఇన్‌ : జాతీయస్థాయి క్రికెట్‌ పోటీలకు వేల్పూర్‌ మండలం కుక్కునూరు జడ్‌.పి.హెచ్‌ఎస్‌ పాఠశాల విద్యార్థి కె.మయూరి ఎంపికయినట్లు పాఠశాల ప్రధానోపాధ్యాయులు నారాయణ, ఉపాధ్యాయబృందం తెలిపారు. ఈ సందర్భంగా పాఠశాల ప్రధానోపాధ్యాయులు మాట్లాడుతూ నిజామాబాద్‌ జిల్లా ఆర్మూర్‌ మండలంలో జరిగిన క్రికెట్‌ పోటీల్లో పాల్గొని విశేష ప్రతిభ కనబరిచి జాతీయస్థాయి క్రికెట్‌ పోటీలకు ఎంపికైనట్లు తెలిపారు.

సెప్టెంబర్‌ 4,5,6 తేదీల్లో జమ్మూ కాశ్మీర్‌లో జరిగే పోటీలకు వెళ్తున్నట్లు వారు తెలిపారు. జాతీయస్థాయికి ఎంపికైన మయూరికి గ్రామ ఉపసర్పంచ్‌ రమేష్‌ కుమార్‌, ర్యాడా శ్రీనివాస్‌ ఆర్థికసాయం 10 వేలు అందించినట్లు వారు తెలిపారు. కార్యక్రమంలో సర్పంచ్‌ రామ విజయ లింబాద్రి, వేల్పూరు మండల ఉపాధ్యక్షులు బెజ్జోర సురేష్‌, ఉపాధ్యాయులు సాయిలు, మెహన్‌, కృష్ణ, గటడి శ్రీనివాస్‌, గ్రామాభివృద్ధి కమిటీ అధ్యక్షులు లింబాద్రి తదితరులు పాల్గొన్నారు.