శ్రావణ సోమవారం ప్రత్యేక పూజలు

వేల్పూర్‌, ఆగష్టు 23

నిజామాబాద్‌ న్యూస్‌ డాట్‌ ఇన్‌ : వేల్పూర్‌ మండలం రామన్నపేట గ్రామంలో వర్షరుతువు దక్షిణాయన అభిజిత్‌ ముహూర్తం కృష్ణ పాడ్యమి శ్రావణమాసంలో పార్ణమి తర్వాత వచ్చే తొలి శ్రావణ సోమవారం శ్రీ రాజ రాజేశ్వరీ స్వామి శివాలయంలో అయ్యల గుట్ట స్వామి వారికి ప్రత్యేక పూజలు నిర్వహించారు.

ఈ సందర్బంగా ఆలయ అర్చకులు స్వామి మాట్లాడుతూ గత కొంత కాలంగా కొనసాగుతున్న శ్రావణమాస ఉపవాస దీక్షలు నేటితో విరమింప చేయడం జరుగుతుందని అన్నారు. తమ కుటుంబాలు సుఖ సంతోషాలతో ఉండాలని భక్తులు మొక్కులు తీర్చుకుంటారని తెలిపారు. ఈ సందర్బంగా అన్నదాన కార్యక్రమం నిర్వహించారు. మండలంలోని అనేక గ్రామాల నుండి భక్తులు విచ్చేసి భక్తి శ్రద్దలతో పూజలు నిర్వహించారు. కార్యక్రమంలో సర్పంచ్‌ వీణ పురుషోత్తం రెడ్డి, ఉపసర్పంచ్‌ బెల్దరి నవీన్‌, ఎంపిటిసి శోభన్‌, శ్రీధర్‌ గౌడ్‌, గ్రామ కమిటి అద్యక్షుడు పెద్దోళ్ల బాపురెడ్డి, ఉపాద్యక్షులు జంగాల మారుతి, అశోక్‌, గ్రామస్తులు పాల్గొన్నారు.