డిగ్రీ, పిజి ప్రవేశానికి దరఖాస్తు గడువు పెంపు

నిజామాబాద్‌, సెప్టెంబర్‌ 13

నిజామాబాద్‌ న్యూస్‌ డాట్‌ ఇన్‌ : డా. బి. ఆర్‌. అంబేద్కర్‌ ఓపెన్‌ యూనివర్సిటీ 2021-22 విద్యా సంవత్సరానికి డిగ్రీ (బీ.ఏ/బీ.కాం/బీ.ఎస్సీ), పీ.జీ (ఎంఎ, ఎం.కాం, ఎంఎస్‌సి, ఎంబిఎ ప్రథమ సంవత్సరంలో ప్రవేశానికి దరఖాస్తులు రూ. 200 అపరాధ రుసుమతో ఈనెల 18 వరకు గడువు పెంచినట్లు ఉమ్మడి నిజామాబాద్‌ జిల్లా రీజినల్‌ కో-ఆర్డినేటర్‌ డా.యన్‌.అంబర్‌ సింగ్‌ ఒక ప్రకటనలో తెలిపారు.

ఇందులో డిగ్రీ ప్రవేశానికి ఇంటర్మీడియేట్‌, ఓపెన్‌ ఇంటర్‌, పాలిటెక్నిక్‌ (డిప్లమా), రెండు సంవత్సరాల ఐటిఐ, టెన్‌ ప్లస్‌ టు తత్సమాన అర్హతలు కలిగి ఉండాలని, పీజీ ప్రవేశానికి ఏదైనా డిగ్రీ పాసై ఉండాలన్నారు.

అడ్మీషన్‌ పొందాలనుకునే వారు ఈనెల 18వ తేదీ లోపు మీ దగ్గరలో ఉన్న మీ- సేవా కేంద్రం లేదా టి. ఎస్‌. ఆన్‌ లైన్‌లలో రిజిస్ట్రేషన్‌ చేసుకోవాలని, రిజిస్ట్రేషన్‌ చేసుకొని తగిన రుసుము చెల్లించిన తరువాత అప్లికేషన్‌ ప్రింట్‌ అవుట్‌లను రీజినల్‌ కార్యాలయం గిరిరాజ్‌ ప్రభుత్వ కళాశాల నిజామాబాద్‌లో అందజేయాలన్నారు.

మరిన్ని పూర్తి వివరాలకు యూనివర్సిటీ వెబ్‌ సైట్‌ను లేదా రీజినల్‌ కార్యాలయం గిరిరాజ్‌ ప్రభుత్వ కళాశాల నిజామాబాద్‌ సంప్రదించాలన్నారు.