Telangana Live Telangana Live News and Views 24X7
గాంధారి, సెప్టెంబర్‌ 14
నిజామాబాద్‌ న్యూస్‌ డాట్‌ ఇన్‌ : గాంధారి మండలంలో నిర్వహించే గణేష్‌ నిమజ్జన ఏర్పాట్లను స్థానిక తహసీల్దార్‌ గోవర్ధన్‌, సిఐ వెంకట్‌ మంగళవారం పరిశీలించారు. శని, ఆదివారాలలో నిర్వహించే గణేష్‌ నిమజ్జనానికి ఏవిదంగా ఏర్పాట్లు చేస్తున్నారో తెలుసుకున్నారు. గ్రామంలో తిరిగి రోడ్ల గుంతలను పరిశీలించారు.
శోభాయాత్ర వెళ్లే మార్గంలో ఎలాంటి ఇబ్బందులు లేకుండా చూడాలని స్థానిక అధికారులకు సూచించారు. అలాగే నిమజ్జనం నిర్వహించే స్థానిక వాగు వద్ద రాత్రి పూట లైట్‌లు ఏర్పాటు చేస్తామని తహసీల్దార్‌ తెలిపారు. వాగులో నీరు ఎక్కువగా ప్రవహిస్తున్నందున ఎవరూ కూడా నేరుగా వినాయకులను తీసుకోని వాగులో దిగవద్దని సూచించారు. వారి వెంట స్థానిక ఎస్‌ఐ శంకర్‌, ఎంపీటీసీ బాలరాజ్‌, ఉప సర్పంచ్‌ రమేష్‌, ఆర్‌ఐ నర్సింహా రెడ్డి తదితరులు పాల్గొన్నారు.
