ఆదర్శం పవన్‌ యూత్‌

గాంధారి, సెప్టెంబర్‌ 17

నిజామాబాద్‌ న్యూస్‌ డాట్‌ ఇన్‌ : గాంధారి మండలానికి చెందిన పవన్‌ యూత్‌ సభ్యులు ఆదర్శంగా నిలిచారు. మండల కేంద్రంలో యూత్‌ సభ్యులు వినాయక విగ్రహాన్ని ప్రతిష్టించారు. అన్ని వినాయక మండపాల వద్ద నిర్వాహకులు అన్నదానాలు ఏర్పాటు చేస్తున్నారు. కానీ పవన్‌ యూత్‌ సభ్యులు మాత్రం శుక్రవారం అనాధ వృద్ధాశ్రమంలో అన్నదాన కార్యక్రమం నిర్వహించారు.

నిజామాబాదు జిల్లా మోస్రా వద్ద చింతకుంట గ్రామంలో గల అనాధ ఆశ్రమంలో అన్నదానం చేపట్టారు. అదేవిదంగా ఆశ్రమంలోని వృదులకు బెడ్‌ షీట్స్‌తో పాటు వారికి అవసరమైన సామగ్రిని అందజేశారు. అనాధలను ఆదుకోవడం చాలా సంతోషాన్నిచ్చిందని యూత్‌ సభ్యులు తెలిపారు.