ఘనంగా ఐలమ్మ జయంతి

నారాయణఖేడ్‌, సెప్టెంబర్‌ 26

నిజామాబాద్‌ న్యూస్‌ డాట్‌ ఇన్‌ : తెలంగాణ సాయుధ పోరాట వీరవనిత చాకలి ఐలమ్మ 126 వ జయంతి ఆదివారం నారాయణఖేడ్‌ పట్టణంలో ఘనంగా నిర్వహించారు. పట్టణంలోని ప్రధాన రహదారి గర్ల్స్‌ హై స్కూల్‌ పక్కన ఐలమ్మ విగ్రహాన్ని నారాయణఖేడ్‌ ఎమ్మెల్యే భూపాల్‌ రెడ్డి ఆవిష్కరించారు.

అనంతరం షెట్కర్‌ ఫంక్షన్‌ హాల్లో ఏర్పాటు చేసిన సమావేశంలో ఎమ్మెల్యే మాట్లాడుతూ నిజాం పాలనకు వ్యతిరేకంగా పోరాడిన వీర వనిత ఐలమ్మ అని అన్నారు. ఐలమ్మ జయంతిని ప్రభుత్వం అధికారకంగా నిర్వహించడం అభినందనీయమన్నారు. రజకులు విద్యా రంగంలో రాణించి అన్ని రంగాల్లో అభివ ృద్ధి చెందలన్నారు.

కార్యక్రమంలో నారాయణఖేడ్‌ మున్సిపల్‌ చైర్మన్‌ రూబినా నజీబ్‌, మార్కెట్‌ కమిటీ వైస్‌ చైర్మన్‌ విజయ్‌ బుజ్జి, కౌన్సిలర్‌ మజీద్‌, పట్టణ టిఆర్‌ఎస్‌ అధ్యక్షుడు నగేష్‌, నాయకులు రవీందర్‌ నాయక్‌, అభిషేక్‌ షెట్కర్‌ తదితరులు పాల్గొన్నారు.