Telangana Live Telangana Live News and Views 24X7
నిజామాబాద్‌, సెప్టెంబర్‌ 26
నిజామాబాద్‌ న్యూస్‌ డాట్‌ ఇన్‌ : ఆదివారం నిజామాబాద్‌ నగరంలోని కాంగ్రెస్‌ భవన్‌లో బాల్కొండ మాజీ శాసనసభ్యులు, బాల్కొండ కాంగ్రెస్‌ పార్టీ ఇంచార్జ్‌ ఈరవత్రి అనిల్‌ పుట్టినరోజు వేడుకలు ఘనంగా నిర్వహించినట్టు ఎన్‌.ఎస్‌.యు.ఐ నిజామాబాద్‌ జిల్లా అధ్యక్షుడు వరదబట్టు వేణురాజ్‌ పేర్కొన్నారు.
కార్యక్రమంలో యువజన కాంగ్రెస్‌ రాష్ట్ర ప్రధాన కార్యదర్శి జగడం సుమన్‌, జిల్లా ఉపాధ్యక్షులు బాల్కొండ నియోజకవర్గ ఇంచార్జ్‌ రవీందర్‌ రెడ్డి, చక్ర దత్తు, నగర యూత్‌ కాంగ్రెస్‌ ప్రధాన కార్యదర్శి మోయిన్‌, రూరల్‌ నాయకులు శీను, నరేందర్‌ తదితరుల చేతుల మీదుగా కేక్‌ కట్‌ చేసి పంచిపెట్టారు.
అనంతరం వారు మాట్లాడుతూ ఈరవత్రి అనిల్‌ కుమార్‌ నిండు నూరేళ్లు ఆయురారోగ్యాలతో ఉండాలని ప్రజా రాజకీయ జీవితంలో ఇంకా ఎన్నో ఉన్నత శిఖరాలు అధిరోహించాలని మనస్ఫూర్తిగా కోరుకుంటున్నామన్నారు.
కార్యక్రమంలో ఎన్‌ఎస్‌యుఐ ప్రధాన కార్యదర్శి నవదీప్‌ చింటు, సాయి, మహేష్‌, శ్రీకాంత్‌, చింతకాయల రాహుల్‌, మహేష్‌, నరసింహ, గణేష్‌, వినోద్‌, రఘు, ప్రవీణ్‌, చిన్న, తదితరులు పాల్గొన్నారు.
