Telangana Live Telangana Live News and Views 24X7
నిజామాబాద్‌, సెప్టెంబర్‌ 30
నిజామాబాద్‌ న్యూస్‌ డాట్‌ ఇన్‌ : నిజామాబాద్‌ అర్బన్‌ ఎమ్మెల్యే గణేష్‌ బిగాల ఎలక్ట్రిక్‌ వాహనంపై తిరుగుతూ నగరంలో జరుగుతున్న పలు అభివృద్ధి పనులని పరిశీలించారు. రైల్వే కమాన్‌ వద్ద నిర్మిస్తున్న రైల్వే అండర్‌ బ్రిడ్జి పనులని పరిశీలించారు. నిర్మాణంలో ఉన్న నూతన మున్సిపల్‌ భవనాన్ని పరిశీలించారు.
వినాయక్‌ నగర్‌లో పుట్‌ పాత్‌ పనులని పరిశీలించి సూచనలు చేశారు. అహ్మది బజార్‌లో నిర్మిస్తున్న సమీకృత మార్కెట్‌ నిర్మాణాన్ని పరిశీలించి పనుల పురోగతి వివరాలను అధికారులని అడిగి తెలుసుకున్నారు. బోధన్‌ రోడ్డులో గల స్మశాన వాటిక స్టోన్‌ పిట్చింగ్‌ పనులని పరిశీలించారు. కార్యక్రమంలో నగర మేయర్‌ దండు నీతూ కిరణ్‌, నుడ చైర్మన్‌ ప్రభాకర్‌ రెడ్డి, మున్సిపల్‌ కమిషనర్‌ చిత్ర మిశ్రా, మున్సిపల్‌ అధికారులు, ఆర్‌అండ్‌బి అధికారులు పాల్గొన్నారు.
