Telangana Live Telangana Live News and Views 24X7
నారాయణఖేడ్‌, అక్టోబర్‌ 2
నిజామాబాద్‌ న్యూస్‌ డాట్‌ ఇన్‌ : నారాయణఖేడ్‌ డివిజన్‌ మనూర్‌ మండలం ఉసిరికపల్లి గ్రామంలో గాంధీ జయంతి సందర్భంగా ఎస్‌బిఐ, భవిష్య భారత్‌ వార్ల ఆధ్వర్యంలో 3కె మారథాన్‌ నిర్వహించారు. మారథాన్‌లో పాల్గొనడానికి మనూర్‌, రెగోడ్‌, రాయికోడ్‌, వటపల్లి మండలాల నుండి యువత పెద్ద సంఖ్యలో తరలివచ్చారు. ఉదయం 7 గంటలకు ధన్వార్‌ ఎక్స్‌ రోడ్‌ నుండి గటిలింగంపల్లి శివారు వరకు 3కె పరుగుపందెం నిర్వహించారు.
మారథాన్‌లో గెలిచిన క్రీడాకారులకు బహుమతులు ప్రదానం చేశారు. అనంతరం గ్రామంలో సర్పంచ్‌ చేతుల మీదుగా వాటర్‌ ప్లాంట్‌ ప్రారంభించారు. ఇలాంటి కార్యక్రమాలు చేయడం ఆభినందనియం అని ప్రజాప్రతినిధులు, గ్రామస్థులు భవిష్య భారత్‌ ప్రతినిధులను అభినందించారు. కార్యక్రమంలో గ్రామ సర్పంచ్‌, ప్రజా ప్రతినిధులు, భవిష్య భారత్‌ ప్రాజెక్ట్‌ మేనేజర్‌ వినయ్‌ తదితరులు పాల్గొన్నారు.
