Telangana Live Telangana Live News and Views 24X7
ఎల్లారెడ్డి, అక్టోబర్‌ 2
నిజామాబాద్‌ న్యూస్‌ డాట్‌ ఇన్‌ : మున్సిపల్‌ కార్యాలయంలో జాతిపిత మహాత్మా గాంధీ, భారత రెండవ ప్రధాని లాల్‌ బహదూర్‌ శాస్త్రీ జయంతుల సందర్భంగా ఎల్లారెడ్డి మున్సిపల్‌ చైర్మన్‌ కుడుముల సత్యనారాయణ మహాత్మా గాంధీ చిత్ర పటానికి పూలమాల వేసి నివాళులు అర్పించారు.
ఈ సందర్భంగా చైర్మన్‌ మాట్లాడుతూ జాతిపిత మహాత్మాగాంధీ భారత స్వాతంత్య్ర సంగ్రామంలో అహింస మార్గంలో ఉద్యమించి స్వతంత్ర కాంక్షను సిద్దించడంలో కీలక పాత్ర పోషించారని, అలాగే స్వాతంత్ర ఉద్యమంలో 9 సంవత్సరాలు జైలు జీవితం అనుభవించి రెండు సంవత్సరాలు ప్రధానిగా సేవలందించి జై జవాన్‌ జై కిసాన్‌ నినాదంతో సైనికులు, రైతుల గొప్పదనం తెలియజేసిన లాల్‌ బహదూర్‌ శాస్త్రి సేవలు మరవలేనివని కొనియాడారు.
కార్యక్రమంలో ఎల్లారెడ్డి సింగిల్‌విండో చైర్మన్‌ నర్సింలు, మున్సిపల్‌ కౌన్సిలర్‌ ఎరుకల సాయిలు, రాము, నీలకంఠం, అల్లం శీను, టిఆర్‌ఎస్‌ నాయకులు రాజు, రామప్ప. గాదె తిరుపతి, ఇమ్రాన్‌, పోచయ్య, బిట్ల సురేందర్‌, కృష్ణమూర్తి, గోపాల్‌, లింగం, మున్సిపల్‌ సిబ్బంది తదితరులు పాల్గొన్నారు.
