గురుకుల పాఠశాలలకు ఎంపికైన విద్యార్థులకు సన్మానం

వేల్పూర్‌, అక్టోబర్‌ 5

నిజామాబాద్‌ న్యూస్‌ డాట్‌ ఇన్‌ : వేల్పూర్‌ మండలం పడగల్‌ మండల పరిషత్‌ ప్రాథమిక పాఠశాలలో నిజామాబాద్‌ జిల్లాలో గురుకుల పాఠశాలలకు ఎంపికైన 15 విద్యార్థులకు శాలువా మెమొంటోతో పాఠశాల ఉపాధ్యాయులు ఘనంగా సన్మానించారు. ఈ సందర్బంగా ప్రధానోపాధ్యాయులు విజయ్‌ కుమార్‌, జమాలుద్దీన్‌ మాట్లాడుతూ పిల్లలకు తల్లిదండ్రుల తర్వాత మొదటి గురువు ఉపాధ్యాయులని తెలిపారు.

గత పది సంవత్సరాల నుండి గురుకుల పాఠశాలలకు 150 విద్యార్థినీ విద్యార్థులను పంపించిన ప్రధాన ఉపాధ్యాయులు ఉపాధ్యాయులందరికీ కృతజ్ఞతలు తెలిపారు. అంతేకాకుండా జిల్లాలోని ఉత్తమ పాఠశాలగా పేరు రావాలని ఉపాధ్యాయులకు సూచించారు. కార్యక్రమంలో గ్రామ సర్పంచ్‌ వర్షిని, ఎంపీటీసీ, హేమలత, మాజీ సర్పంచ్‌ దొరబాబు, ఉపాధ్యాయులు, విద్యార్థులు పాల్గొన్నారు.