తెరాస పట్టణ కమిటీ ఎన్నిక

ఎల్లారెడ్డి, అక్టోబర్‌ 11

నిజామాబాద్‌ న్యూస్‌ డాట్‌ ఇన్‌ : ఎల్లారెడ్డి పట్టణ తెరాస కమిటీని సోమవారం స్థానిక ఎమ్మెల్యే క్యాంప్‌ కార్యాలయంలో ఎన్నుకున్నారు. స్థానిక మునిసిపల్‌ ఛైర్మన్‌ కుడుముల సత్యనారాయణ, తెరాస మండల పార్టీ అధ్యక్షుడు జేలెందర్‌ రెడ్డి ఆధ్వర్యంలో నూతన కమిటీని ఏకగ్రీవంగా ఎన్నుకున్నట్లు తెలిపారు.

ఈ సందర్భంగా మునిసిపల్‌ ఛైర్మన్‌ సత్యనారాయణ మాట్లాడుతూ పట్టణ అధ్యక్షుడుగా ఆదిమూలం సతీష్‌ కుమార్‌ను ఏకగ్రీవంగా ఎన్నుకున్నట్లు తెలిపారు. అలాగే టౌన్‌ ఉపాధ్యక్షుడుగా బిట్ల సురేందర్‌ యూత్‌ అధ్యక్షుడుగా నాగం సురేందర్‌, సోషల్‌ మీడియా అధ్యక్షుడుగా నాగం సాయిబాబా, బిసి సెల్‌ అధ్యక్షుడుగా చింతల శంకర్‌, ఎస్‌సి సెల్‌ అధ్యక్షుడుగా శివనందిలతోపాటు తదితర నూతన కమిటీలను ఎన్నుకున్నట్లు తెలిపారు.