ఘనంగా వాల్మీకి జయంతి

నిజామాబాద్‌, అక్టోబర్‌ 20

నిజామాబాద్‌ న్యూస్‌ డాట్‌ ఇన్‌ : మహర్షి వాల్మీకి జయంతి సందర్భంగా ఆయనకు ఘనంగా నివాళులు అర్పించారు. బీసీ సంక్షేమ శాఖ ఆధ్వర్యంలో బుధవారం కలెక్టరేట్‌లో ఆయన జయంతి ఉత్సవాన్ని ఏర్పాటు చేశారు. జిల్లా కలెక్టర్‌ నారాయణ రెడ్డి ముఖ్య అతిథిగా హాజరై జ్యోతి ప్రజ్వలన చేసి మహర్షి వాల్మీకికి ఘనంగా నివాళులు అర్పించారు. ఈ సందర్భంగా ఆయన జీవితాన్ని గుర్తు చేసుకున్నారు.

కార్యక్రమంలో అడిషనల్‌ కలెక్టర్‌ చంద్రశేఖర్‌, బీసీ కార్పొరేషన్‌ ఈడి రమేష్‌, బీసీ సంక్షేమ శాఖ అధికారి రమేష్‌, మెప్మా పిడి రాములు, జిల్లా బిసి హక్కుల పరిరక్షణ సంఘం అధ్యక్షులు ఎం.రాజేశ్వర్‌, జిల్లా బోయ సంఘం అధ్యక్షులు నరేష్‌, రాష్ట్ర బోయ సంఘం ఉపాధ్యక్షులు రాజేశ్వర్‌, ఉద్యోగులు ప్రజా ప్రతినిధులు తదితరులు పాల్గొన్నారు.