ఘనంగా మహర్షి వాల్మీకి జయంతి

కామారెడ్డి, అక్టోబర్‌ 20

నిజామాబాద్‌ న్యూస్‌ డాట్‌ ఇన్‌ : సమీకృత జిల్లా కార్యాలయాల సముదాయంలో బుధవారం మహర్షి వాల్మీకి జయంతి వేడుకలు బీసీ సంక్షేమ శాఖ ఆధ్వర్యంలో ఘనంగా నిర్వహించారు. మహర్షి వాల్మీకి చిత్రపటానికి జిల్లా కలెక్టర్‌ జితేష్‌ వి పాటిల్‌, జిల్లా స్థానిక సంస్థల అదనపు కలెక్టర్‌ వెంకటేష్‌ ధోత్రే, జిల్లా అధికారులు పూలమాలలు వేసి నివాళులర్పించారు.

ఈ సందర్భంగా కలెక్టర్‌ మాట్లాడుతూ రామాయణాన్ని రాసింది వాల్మీకి అని కొనియాడారు. కార్యక్రమంలో జిల్లా బి.సి.సంక్షేమ అధికారి శ్రీనివాస్‌, మహిళా శిశు సంక్షేమ అధికారి సరస్వతి, వివిధ శాఖల అధికారులు పాల్గొన్నారు.