గుడిసెకు నిప్పు పెట్టిన గుర్తుతెలియని వ్యక్తులు..

వేల్పూర్‌, అక్టోబర్‌ 23

నిజామాబాద్‌ న్యూస్‌ డాట్‌ ఇన్‌ : వేల్పూర్‌ మండలం అమినాపూర్‌లో గౌడ సభ్యులకు చెందిన ఈత చెట్లకు కట్టిన గొబ్బలను దొంగలు కొట్టారని గౌడ సంఘ సభ్యులు తెలిపారు. ఈ సందర్భంగా మాట్లాడుతూ అంజనాపురం గ్రామంలో గ్రామ శివారులో గల ఈత చెట్లలో కల్లు గొబ్బలు పెట్టె గుడిసెకు గుర్తు తెలియని వ్యక్తులు నిప్పు పెట్టారని, కొందరు కావాలనే కక్షసాధింపు చర్యగా ఈ చర్యకు పాల్పడ్డారని ఆరోపించారు.

రోజుకు 500 నుంచి 600 సంపాదన ఉన్న తాము ఉపాధి కోల్పోయామని, కల్లు గొబ్బలు దొరకటం లేదని కుమ్మరి వాళ్ళు గొబ్బలను తయారుచేయడం లేదని తమకున్యాయం చేయాలని కోరారు. కార్యక్రమంలో కలిగొట్ట మహేష్‌ గౌడ్‌, వెంపల్లి చంద్రశేఖర్‌ గౌడ్‌, గొల్లపల్లి నాగేష్‌ గౌడ్‌, పాకాల దశా గౌడ్‌, మాణిక్యం గౌడ్‌, లచ్చ గౌడ్‌, పాకాల శ్రీనివాస్‌ గౌడ్‌, కిని రాజా గౌడ్‌, తదితరులు పాల్గొన్నారు.