రక్త దాతలకు సర్టిఫికెట్ల ప్రదానం

ఆర్మూర్‌, నవంబర్‌ 7

నిజామాబాద్‌ న్యూస్‌ డాట్‌ ఇన్‌ : సెప్టెంబర్‌ 24 వ తేదీన కోటపాటి నరసింహం నాయుడు జన్మదినోత్సవాన్ని పురస్కరించుకొని రక్తదానం చేసిన యువకులకు ఆదివారం తోర్లికొండ రోడ్‌ లోని హెచ్‌.పీ గ్యాస్‌ గోదాం దగ్గర రెడ్‌ క్రాస్‌ సొసైటీ ద్వారా ఇవ్వబడిన సర్టిఫికెట్లు పంపిణీ చేశారు. మార గంగారెడ్డి, తెలంగాణ మార్క్‌ఫేడ్‌ చైర్మన్‌ చేతుల మీదుగా సుమారు 50 మంది రక్త దాతలకు సర్టిఫికెట్లు అందజేశారు.

ఒక వ్యక్తి ఇచ్చిన రక్తము ముగ్గురికి ప్రాణదానం చేసిన వ్యక్తులు సమాజానికి ఆదర్శవంతులుగా పేర్కొన్న గంగారెడ్డి వారందరినీ మనస్ఫూర్తిగా అభినందించారు. ప్రతి సంవత్సరం తన పుట్టినరోజున మెగా రక్తదాన శిబిరం ఏర్పాటు చేసి యువకులను ప్రోత్సహిస్తున్న కోటపాటి సేవలు అపూర్వంగా పేర్కొన్నారు.

కార్యక్రమంలో రక్త దాతలతో పాటు, న్యాయవాదులు, ఊరే బాలయ్య, జక్కుల శ్రీధర్‌, రాగుల అశోక్‌, కోటపాటి గోపికృష్ణ, ఆంధ్రనగర్‌ సర్పంచ్‌ నాయుడు రామారావు, నక్కల చిన్నారెడ్డి, ఏలేటి నవీన్‌ రెడ్డి, ముత్యం రెడ్డి, గురడి సాయి రెడ్డి, కుమార్‌ పాల్గొన్నారు.