ఖానాపూర్‌లో గంజాయి స్వాధీనం

నిజామాబాద్‌, నవంబర్‌ 9

నిజామాబాద్‌ న్యూస్‌ డాట్‌ ఇన్‌ : మంగళవారం రాత్రి 8 గంటలకు నిజామాబాద్‌ జిల్లా నిజామాబాద్‌ రూరల్‌ మండలం ఖానాపూర్‌ గ్రామంలో గంజాయి అమ్ముతున్నారని సమాచారంతో ప్రొహిబిషన్‌ అండ్‌ ఎక్సైజ్‌ ఎన్‌ఫోర్సుమెంట్‌ నిజామాబాద్‌ అసిస్టెంట్‌ ఎక్సైజ్‌ సూపరింటెండెంట్‌ నందగోపాల్‌ ఆదేశాల మేరకు ఎక్సైజ్‌ శాఖ వారు ఆకస్మికంగా దాడులు నిర్వహించారు.

గంజాయి చిన్న చిన్న ప్యాకెట్లలో అమ్ముతున్న గంట మల్లేష్‌ అనే వ్యక్తిని అరెస్టు చేసి అతని వద్ద ఉన్న 20 గంజాయి ప్యాకెట్లు, ఒక్కో ప్యాకెట్‌ 6 గ్రాముల బరువు కలిగి మొత్తం 120 గ్రాములు గంజాయిని స్వాధీనం చేసుకున్నట్లు ఎక్సైజ్‌ ఇన్స్‌పెక్టర్‌ దీపిక పేర్కొన్నారు. దాడులలో ఎక్సైజ్‌ ఎస్‌ఐ సృజన, సిబ్బంది శంకర్‌, భూపాల్‌, భాస్కర్‌, రవి రాజ్‌, విష్ణు, గంగారాం, శివ, పాల్గొన్నారు.