నెహ్రూయువకేంద్రలో సాంస్కృతిక పోటీలు

నిజామాబాద్‌, నవంబర్‌ 10

నిజామాబాద్‌ న్యూస్‌ డాట్‌ ఇన్‌ : అజాది కా అమృత్‌ మహోత్సవ్‌ సందర్భంగా నెహ్రూ యువ కేంద్ర, నిజామాబాద్‌ ఆధ్వర్యంలో వ్యాస రచన, ఉపన్యాస, దేశభక్తి గీతాల, చిత్రలేఖన పోటీలు నిర్వహించనున్నట్టు జిల్లా యువజన అధికారిణి శైలి బెల్లాల్‌ ఒక ప్రకటనలో పేర్కొన్నారు.

స్వతంత్ర భారత అమృతోత్సవాల సందర్భంగా నెహ్రూ యువ కేంద్ర నిర్వహిస్తున్న పోటీలలో యువత విశేష సంఖ్యలో పాల్గొనాలని ఆహ్వానించారు. పోటీలలో గెలుపొందిన వారికి నవంబర్‌ 14వ తేదీన నెహ్రూ యువ కేంద్ర స్థాపనా దినోత్సవ సందర్భంగా బహుమతులు, ప్రశంసా పత్రాలు అందించడం జరుగుతుందన్నారు.

పోటీలు, వాటి అంశాలు :
వ్యాస రచన : 75 ఏళ్ల స్వాతంత్య్ర భారతం, చరిత్ర, భవిష్యత్‌ భారతం
చిత్రలేఖనం : దేశభక్తిని ప్రతిబింబించే చిత్రాలు
పాటల పోటీ : ఏవైనా దేశభక్తి పాటలు
ఉపన్యాసం : స్వతంత్ర భారత అమృతోత్సవాల గురించి
పోటీలు జరిగే స్థలం : నెహ్రూ యువ కేంద్రం, సుభాష్‌ నగర్‌, నిజామాబాద్‌
అర్హత : నిజామాబాద్‌, కామారెడ్డి జిల్లా వాసులు మాత్రమే అయి ఉండాలి, వయసు 30సంవత్సరాలు మించకూడదు.
తేదీ : నవంబర్‌ 12, శుక్రవారం
ఉదయం 11గం లకు వ్యాసరచన, చిత్రలేఖనం
12గం లకు పాటలు, ఉపన్యాస పోటీలు జరుగుతాయి.
గమనిక : చిత్ర లేఖన పోటీలకు చార్ట్‌, వ్యాసరచన పోటీలకు కాగితాలు మాత్రమే మేము ఇవ్వడం జరుగుతుంది, ఇతర వస్తువులన్నీ పోటీలో పాల్గొనేవారే తెచ్చుకోవాల్సి ఉంటుంది, పోటీల్లో తెలుగు, హిందీ భాషలకు మాత్రమే అనుమతి ఉంటుంది.
ఇతర వివరాలకు : 9717219538 సంప్రదించండి.