ఆలూరు చెరువులో పడి వ్యక్తి మృతి

ఆర్మూర్‌, నవంబర్‌ 16

నిజామాబాద్‌ న్యూస్‌ డాట్‌ ఇన్‌ : నిజామాబాద్‌ జిల్లా ఆర్మూర్‌ మండలం ఆలూర్‌ గ్రామ ఊర చెరువులో పడి వ్యక్తి మృతి చెందాడు. ఆలూర్‌ గ్రామానికి చెందిన కొండూరు స్వామి (45) ఆదివారం సాయంత్రం ఒంటరితనంతో మనస్థాపానికి గురై చెరువులో దూకి ఆత్మహత్యకు పాల్పడ్డాడు.

స్థానికుల కథనం ప్రకారం ఇతడికి భార్య పిల్లలు ఎవరూ లేరు. మద్యపానానికి బానిసై ఒంటరితనాన్ని జీర్ణించుకోలేక ఊర చెరువులో దూకి ఆత్మహత్యకు పాల్పడినట్టు తెలిపారు. ఎస్‌ఐ ఆనంద్‌ కుమార్‌ మృతదేహాన్ని పోస్టుమార్టం నిమిత్తం ఆర్మూరు ప్రభుత్వ ఆసుపత్రికి తరలించారు.