జిల్లా స్థాయి ఉత్తమ యువజన సంఘ అవార్డుకు దరఖాస్తుల ఆహ్వానం

నిజామాబాద్‌, నవంబర్‌ 18

నిజామాబాద్‌ న్యూస్‌ డాట్‌ ఇన్‌ : కేంద్ర యువజన వ్యవహారాలు, క్రీడా మంత్రిత్వశాఖ, నెహ్రూ యువ కేంద్ర ప్రతి సంవత్సరం నిర్వహించే ఉత్తమ యువజన సంఘ అవార్డు కోసం దరఖాస్తులను ఆహ్వానిస్తున్నట్టు జిల్లా యువజన సమన్వయ కర్త, నెహ్రూ యువ కేంద్ర, శైలీ బెల్లాల్‌ ఒక ప్రకటనలో తెలిపారు.

అవార్డు కోసం నిజామాబాద్‌, కామారెడ్డి ఉమ్మడి జిల్లాల్లోని రిజిస్ట్రేషన్‌ కలిగి ఉన్న యువజన సంఘాలు 01 ఏప్రిల్‌ 2020Ñ 31 మార్చి 2021 మధ్య కాలంలో తాము నిర్వహించిన వివిధ సామాజిక,సేవా, క్రీడా, తదితర కార్యక్రమాల ఫోటోలు, వివరాలు, తమ రిజిస్ట్రేషన్‌ సర్టిఫికెట్‌తో నిజామాబాద్‌లోని సుభాష్‌ నగర్‌లో గల నెహ్రూ యువ కేంద్ర కార్యాలయంలో అందజేయాల్సి ఉంటుందన్నారు.

దరఖాస్తులు చేరవలసిన చివరి తేదీ 30 నవంబర్‌ 2021 అని, అవార్డుకు కేవలం రిజిస్ట్రేషన్‌ కలిగివున్న యువజన సంఘాలు మాత్రమే అర్హులని స్పష్టం చేశారు.