డిగ్రీ, పిజి ప్రవేశాలకు చివరి గడువు

నిజామాబాద్‌, నవంబర్‌ 26

నిజామాబాద్‌ న్యూస్‌ డాట్‌ ఇన్‌ : రెగ్యులర్‌ డిగ్రీలో సీటు రాని వారికి చక్కని అవకాశం… అంబేడ్కర్‌ ఓపెన్‌ యూనివర్సిటీ ద్వారా చదువుకునే అవకాశం కల్పిస్తుంది. దీనికి ఇంటర్‌, పాలిటెక్నిక్‌ కోర్సు చదివిన వారు అర్హులు.

ప్రవేశాల కొరకు డిసెంబర్‌ 10వ తేదీలోపు ఆన్‌లైన్‌ ద్వారా దరఖాస్తు చేసుకోవాలని కామారెడ్డి, నిజామాబాద్‌ ఉమ్మడి జిల్లా రీజినల్‌ కో ఆర్డినేటర్‌ డాక్టర్‌ అంబర్‌సింగ్‌ ఒక ప్రకటనలో తెలిపారు.

ఆయా అధ్యయన కేంద్రాలలో బి.ఏ, బి.కాం, బి.ఎస్‌సి కోర్సులు ఉన్నాయని అక్కడ దరఖాస్తు చేసుకోవచ్చని, కానీ పిజి చదువుకోవడానికి గిరిరాజ్‌ ప్రభుత్వ కళాశాల నిజామాబాద్‌లో మాత్రమే అవకాశం ఉందన్నారు.

పిజిలో ఎంఎ, ఎంకాం, ఎంఎస్‌సి కోర్సులు ఉన్నాయని, దగ్గరలో ఉన్న అధ్యయన కేంద్రంలో అడ్మిషన్‌ పొందాలని ఒక ప్రకటనలో తెలిపారు. పూర్తి వివరాల కోసం దగ్గరలోని అధ్యయన కేంద్రంలోగానీ, యూనివర్సిటీ వెబ్‌సైట్‌లో గాని సంప్రదించవచ్చని అంబర్‌సింగ్‌ తెలిపారు.