పరీక్షల షెడ్యూల్‌ విడుదల

నిజామాబాద్‌, డిసెంబర్‌ 1

నిజామాబాద్‌ న్యూస్‌ డాట్‌ ఇన్‌ : డాక్టర్‌ బి.ఆర్‌. అంబేడ్కర్‌ ఓపెన్‌ యూనివర్సిటీ డిగ్రీ పరీక్షల షెడ్యూల్‌ విడుదలైందని ప్రాంతీయ అధ్యయన కేంద్ర రీజినల్‌ కో ఆర్డినేటర్‌ డాక్టర్‌ అంబర్‌సింగ్‌ ఒక ప్రకటనలో తెలిపారు.

డిగ్రీ ఓల్డ్‌ బ్యాచ్‌ 2021 డిసెంబర్‌ 28 నుంచి 2022 జనవరి 17 వరకు… పరీక్ష ఫీజు చెల్లించడానికి చివరి తేదీ 2021 డిసెంబర్‌ 2, రూ.500 అధిక రుసుముతో 2021 డిసెంబర్‌ 7 వరకు చెల్లించవచ్చన్నారు.

4వ సెమిస్టర్‌ డిగ్రీ అభ్యర్థులకు 2022 జనవరి 18 నుంచి 2022 జనవరి 24 వరకు… పరీక్ష ఫీజు చెల్లించడానికి చివరి తేదీ 2021 డిసెంబర్‌ 23, రూ.500 అధిక రుసుముతో 2021 డిసెంబర్‌ 28 వరకు చెల్లించవచ్చన్నారు.

1వ సెమిస్టర్‌ డిగ్రీ అభ్యర్థులకు 2022 జనవరి 27 నుంచి 2022 ఫిబ్రవరి 2 వరకు… పరీక్ష ఫీజు చెల్లించడానికి చివరి తేదీ 2021 డిసెంబర్‌ 23, రూ.500 అధిక రుసుముతో 2021 డిసెంబర్‌ 28 వరకు చెల్లించవచ్చన్నారు.

పరీక్ష ఫీజు వివరాల కోసం యూనివర్సిటీ వెబ్‌సైట్‌లో సంప్రదించాలన్నారు.