Telangana Live Telangana Live News and Views 24X7
కామారెడ్డి, డిసెంబర్‌ 6
నిజామాబాద్‌ న్యూస్‌ డాట్‌ ఇన్‌ : అంటరానితనం, వివక్షతలపై అలుపెరుగని పోరాటం చేసిన మహనీయుడు అంబేద్కర్‌ అని జిల్లా కలెక్టర్‌ జితేష్‌ వి పాటిల్‌ అన్నారు. సమీకృత జిల్లా కార్యాలయాల సముదాయంలో ఎస్సీ సంక్షేమ శాఖ ఆధ్వర్యంలో అంబేద్కర్‌ వర్ధంతి ఘనంగా నిర్వహించారు.
ఈ సందర్బంగా కలెక్టర్‌ అంబేద్కర్‌ చిత్రపటానికి పూలమాలలు వేసి నివాళులర్పించారు. అనంతరం మాట్లాడుతూ భారత రాజ్యాంగ నిర్మాత అంబేద్కర్‌, భారతరత్న బిరుదు పొందారని చెప్పారు. కార్యక్రమంలో జిల్లా స్థానిక సంస్థల అదనపు కలెక్టర్‌ వెంకటేష్‌ ధోత్రే, ఎస్సీ కార్పొరేషన్‌ ఈడీ దయానంద్‌, ఎస్సీ సంక్షేమ అధికారిణి రజిత, కలెక్టరేట్‌ ఏవో రవీందర్‌, జిల్లా మహిళ, శిశు, దివ్యాంగుల, వయోవృద్ధుల సంక్షేమ అధికారిణి సరస్వతి, జిల్లా వ్యవసాయ అధికారిని భాగ్యలక్ష్మి, వివిధ శాఖల అధికారులు పాల్గొన్నారు.
