కేర్‌ డిగ్రీ కళాశాలలో ప్రాంగణ నియామకాలు

నిజామాబాద్‌, డిసెంబర్‌ 8

నిజామాబాద్‌ న్యూస్‌ డాట్‌ ఇన్‌ : నిజామాబాద్‌ నగరంలోని కేర్‌ డిగ్రీ కళాశాలలో ఐసిఐసిఐ బ్యాంక్‌ వారు ప్రాంగణ నియామాకాలు ఈనెల 10న శుక్రవారం ఉదయం 10 గంటల నుండి చేపడుతున్నారని కళాశాల డైరెక్టర్‌ నరాల సుధాకర్‌ తెలిపారు. డిగ్రీ ఉత్తీర్ణులై 25 సంవత్సరాల లోపు ఉన్న యువతి యువకులు ప్రాంగణ నియామకాల్లో పాల్గొనవచ్చని తెలిపారు.

డిగ్రీ ఉత్తీర్ణత సాధించిన యువతి యువకులకు ఇది మంచి అవకాశం కాబట్టి అందరూ సద్వినియోగం చేసుకోవాలని సూచించారు. కార్యక్రమంలో కళాశాల ప్రిన్సిపాల్‌ బాలకృష్ణ, వైస్‌ ప్రిన్సిపల్‌ నరేష్‌, కొయ్యాడ శంకర్‌, సందేశ్‌ పాల్గొన్నారు.