రఘుపతికి డాక్టరేట్‌

డిచ్‌పల్లి, డిసెంబర్‌ 23

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని బిజినెస్‌ మేనేజ్‌ మెంట్‌ విభాగపు పరిశోధకులు దాసమ్‌ రఘుపతికి పిహెచ్‌.డి. డాక్టరేట్‌ పట్టా ప్రదానం చేయబడిరది.

బిజినెస్‌ మేనేజ్‌ మెంట్‌ విభాగంలో అసోషియేట్‌ ప్రొఫెసర్‌ డా. కె. అపర్ణ పర్యవేక్షణలో పరిశోధక విద్యార్థి దాసమ్‌ రఘుపతి ది ఫర్ఫామెన్స్‌ ఆఫ్‌ సెక్టోరల్‌ ఇండిసెస్‌ ఎట్‌ బియస్‌సి అండ్‌ యన్‌యస్‌సి అనే అంశంపై పరిశోధన చేసి సిద్ధాంత గ్రంథం రూపొందించారు.

గురువారం జరిగిన ఓపెన్‌ వైవా వోస్‌ (వర్చువల్‌) ఆన్‌ లైన్‌ వేదికకు ఎక్స్‌టర్నల్‌ ఎగ్జామినర్‌ డా. యం. లక్ష్మీ, మహాత్మాగాంధీ యూనివర్సిటీలోని మేనేజ్‌మెంట్‌ విభాగాము వారు హాజరై పరిశోధకుడిని పలు ప్రశ్నలు అడిగి సమాధానాలు రాబట్టారు.

వైవా వోస్‌కు కామర్స్‌ అండ్‌ బిజినెస్‌ మేనేజ్‌ మెంట్‌ డీన్‌ ఆచార్య ఎం. యాదగిరి చైర్మన్‌గా, బిఓఎస్‌ డా. వాణి కన్వీనర్‌గా వ్యవహరించారు. విభాగాధిపతి డా. రాజేశ్వరి, అధ్యాపకులు ఆచార్య కైసర్‌ మహ్మద్‌, డా. ఆంజనేయులు, తదితర అధ్యాపకులు, పరిశోధకులు, విద్యార్థులు పాల్గొన్నారు.

దాసమ్‌ రఘుపతి పిహెచ్‌.డి. సాధించడం పట్ల ఉపకులపతి ఆచార్య డి. రవీందర్‌, రిజిస్ట్రార్‌ ఆచార్య శివశంకర్‌, ప్రిన్సిపల్‌ సహాయ ఆచార్య నాగరాజు, కంట్రోలర్‌ ఆచార్య అరుణ, తదితర అధ్యాపకులు, పరిశోధకులు, విద్యార్థులు శుభాకాంక్షలు తెలిపారు.