ఎం.ఎడ్‌. మొదటి సెమిస్టర్‌ పరీక్షా ఫలితాల విడుదల

డిచ్‌పల్లి, జనవరి 8

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాల్యంలోని అన్ని అనుబంధ కళాశాలలో గల డిగ్రీ మొదటి, రెండవ సెమిస్టర్స్‌ అలాగే ఎం.ఎడ్‌. మొదటి సెమిస్టర్‌ పరీక్షా ఫలితాలను విడుదల చేసినట్లు పరీక్షల నియంత్రణాధికారి డా. ఎం. అరుణ ఒక ప్రకటనలో తెలిపారు.

డిగ్రీ మొదటి సెమిస్టర్‌ పరీక్షలో 14 వేల 158 మంది విద్యార్థులు పరీక్షలకు హాజరు కాగా 2 వేల 933 మంది ఉత్తీర్ణత, 11 వేల 225 మంది ప్రమోట్‌ చేయబడ్డారని పేర్కొన్నారు. డిగ్రీ రెండవ సెమిస్టర్‌ పరీక్షలో 12 వేల 646 మంది విద్యార్థులు పరీక్షలకు హాజరు కాగా 2 వేల 045 మంది ఉత్తీర్ణత, 10 వేల 601 ప్రమోట్‌ చేయబడ్డారని తెలిపారు. ఎం.ఎడ్‌. మొదటి సెమిస్టర్‌ పరీక్షలో 31 మంది విద్యార్థులు హాజరు కాగా 28 మంది ఉత్తీర్ణత, 3 మంది ప్రమోట్‌ చేయబడ్డారన్నారు.

పరీక్షా ఫలితాల కోసం తెలంగాణ యూనివర్సిటీ వెబ్‌ సైట్‌ను సంప్రదించగలరని సిఇవో అన్నారు.