ఆర్మూర్‌ బస్టాండ్‌లో చోరీ

ఆర్మూర్‌, జనవరి 12

నిజామాబాద్‌ న్యూస్‌ డాట్‌ ఇన్‌ : ఆర్మూర్‌ బస్టాండ్‌లో బుధవారం మధ్యాహ్నం 2:30 గంటలకు చోరీ జరిగింది. నందిపేట్‌ అన్నారం బస్సులో నందిపేట్‌ వెళ్లడానికి ఓ మహిళ పాపని పట్టుకొని బస్సు ఎక్కే సమయంలో తన కవర్‌ కట్‌ చేసి పర్సు దొంగిలించారు. పర్సులో అర తులం బంగారు ఉంగరం, కొంత నగదు ఉందని బాధితురాలు తెలిపింది.

కొద్ది సేపటి తర్వాత చూస్తే డబ్బులు, బంగారం ఉంగరం తీసుకొని బస్సు కింద పర్సు పారేశారని గమనించినట్టు తెలిపారు. పోలీస్‌ వారికి ఫోన్‌ చేసి చెప్పగా సిబ్బంది వచ్చి తనిఖీ చేశారు. పోయిన వస్తువులు దొరకలేదు. కాగా బాధిత మహిళ పోలీసులకు ఫిర్యాదు చేసింది. ప్రయాణికులు జాగ్రత్తగా ఉండాలని ఆర్టీసీ అధికారులు, పోలీస్‌ సిబ్బంది సూచించారు.