మహిళ శక్తి అపారమైంది

డిచ్‌పల్లి, జనవరి 21

నిజామాబాద్‌ న్యూస్‌ డాట్‌ ఇన్‌ : మహిళల శక్తి అపారమైందని, విద్యార్థులందరు తమ జీవితంలో చక్కని లక్ష్యాన్ని ఏర్పాటు చేసుకొని అందుకు అనుగుణంగా ఉన్నతమైన విజయాలు సాధించాలని లాభిశెట్టి మహేష్‌ కుమార్‌ అభిలషించారు.

తెలంగాణ విశ్వవిద్యాలయంలోని ఉమెన్స్‌ సెల్‌ ఆధ్వర్యంలో డైరెక్టర్‌ డా. అపర్ణ వర్చువల్‌ వేదికగా ఆన్‌ లైన్‌ వెబినార్‌ ‘‘శక్తి సామర్థ్యాల అన్వేషణ’’ అనే అంశంపై శుక్రవారం సాయంత్రం నిర్వహించారు. కార్యక్రమానికి ఇంపాక్ట్‌ ఫౌండేషన్‌ నుంచి ప్రధాన వక్తగా లాభిశెట్టి మహేష్‌ కుమార్‌ విచ్చేసి ప్రసంగించారు.

ఆన్‌లైన్‌ సమావేశం నిర్వహిస్తున్న డా. కె. అపర్ణకు తెలంగాణ విశ్వవిద్యాలయ ఉపకులపతి ఆచార్య డి. రవీందర్‌, రిజిస్ట్రార్‌ ఆచార్య కె. శివశంకర్‌ ప్రశంసించి, మహిళా విద్యార్థులకు శుభాకాంక్షలు తెలిపారు. కార్యక్రమంలో తెలంగాణ యూనివర్సిటీ పి జి మొదటి సంవత్సరం, రెండవ సంవత్సరం మహిళా విద్యార్థులు పాల్గొన్నారు.