టీయూ వీసీకి వైశ్య వికాసం డైరీ బహూకరణ

డిచ్‌పల్లి, జనవరి 25

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని ఉపకులపతి ఆచార్య డి. రవీందర్‌కు వాసవి గ్రూప్‌ ఆఫ్‌ చైర్మన్‌ యర్రం విజయ్‌ కుమార్‌ వైశ్య వికాసం డైరీని మంగళవారం వీసీ చాంబర్‌లో బహూకరించారు. నాగరాజు డైరీని వీసీకి అందించారు. ఈ సందర్భంగా వీసీ మాట్లాడుతూ వాసవి క్లబ్‌ వారు వివిధ సామాజిక, సాంస్కృతిక సేవా రంగాలలో విస్తృతమైన సేవలందిస్తున్నారని అన్నారు.

అందులో భాగంగానే వారి వారి విశేషాలతో కూడిన సమాచారాన్ని డైరీలో పొందుపరిచారన్నారు. భారతదేశంలో వివిధ పుణ్యక్షేత్రాలలో గల వైశ్య అన్నదాన సత్రాల వివరాలు ఉన్నాయన్నారు. అదే విధంగా తెలంగాణ రాష్ట్రంలో వివిధ ప్రదేశాలలో సర్పంచ్‌ నుంచి మొదలుకొని కార్పోరేటర్స్‌ వరకు ప్రజాప్రతినిధుల వివరాలు కూడా ఉన్నాయని పేర్కొన్నారు. వాసవి వైశ్య వికాసానికి ఇతోధిక సహాయం చేస్తున్న యర్రం విజయ్‌ కుమార్‌ కృషిని అభినందించారు.