క్యారం విజేతలకు బహుమతుల ప్రదానం

భీమ్‌గల్‌, జనవరి 26

నిజామాబాద్‌ న్యూస్‌ డాట్‌ ఇన్‌ : వేల్పూర్‌ సర్పంచ్‌, రైతు సేవా సహకార సంఘం ఛైర్మన్‌, ఎన్‌ఎస్‌ఎఫ్‌ ఛైర్మన్‌, తెరాస రాష్ట్ర రైతు విభాగం ఛైర్మన్‌గా సుదీర్ఘ రాజకీయ చరిత్ర కలిగిన దివంగత వేముల సురేందర్‌ రెడ్డి స్మారకార్థం గత మూడురోజులుగా క్యారం టోర్ని నిర్వహించారు.

భీమ్‌గల్‌ పట్టణ స్థాయి క్యారం టోర్నీలో విజేతలుగా నిలిచిన ఉత్తమ క్రీడాకారులకు భీమ్‌గల్‌ మునిసిపల్‌ ప్రాంగణంలో బుధవారం ఛైర్‌పర్సన్‌ మల్లెల రాజశ్రీ, కన్నె సురేందర్‌ జ్ఞాపికలు అందజేశారు. సింగిల్స్‌ విన్నర్‌గా ఎస్‌.శ్రీనివాస్‌, రన్నర్‌గా మహ్మద్‌ నిసార్‌ నిలిచారు. అలాగే డబుల్స్‌లో విన్నర్లుగా అఫ్రోజ్‌, శ్రీనివాస్‌, రన్నర్లుగా జె.జె.శ్యాం, నిసార్‌ జ్ఞాపికలు అందుకున్నారు.

కార్యక్రమంలో కౌన్సిలర్లు, క్రీడాకారులు పాల్గొన్నారు. టోర్ని కో కన్వీనర్‌గా కంకణాల రాజేశ్వర్‌ వ్యవహరించారు.