జన్నెపల్లె పెద్ద వాగులో యువకుడి మృతి

నవీపేట్‌, ఫిబ్రవరి 6

నిజామాబాద్‌ న్యూస్‌ డాట్‌ ఇన్‌ : నిజామాబాద్‌ జిల్లా నవీపేట్‌ మండలంలోని జన్నెపల్లె గ్రామ పెద్దవాగులో యువకుడి మృతి కలకలం రేపింది. వివరాలు ఇలా ఉన్నాయి… జన్నెపల్లె గ్రామానికి చెందిన అరే శ్రీధర్‌ (24) అనే యువకుడు కనిపించక పోవడంతో కుటుంబసభ్యులు గాలించారు.

అనంతరం జన్నెపల్లె పెద్ద వాగు సమీపంలో బట్టలు, సెల్‌ ఫోన్‌, చెప్పులు కనిపించడంతో గమనించిన స్థానికులు పోలీసులకి సమాచారం అందించారు. గజఈతగాళ్ళ సహాయంతో గాలింపు చేయగా మృతదేహం లభ్యమవడంతో శ్రీధర్‌గా గుర్తించారు. శవ పంచనామా నిర్వహించి మృతదేహాన్ని పోస్టుమార్టం నిమిత్తం జిల్లా కేంద్ర ఆసుపత్రికి తరలించినట్టు పోలీసులు తెలిపారు.